Алматы облысының прокурорлары рұқсаты жоқ көппәтерлі 19 тұрғын үйді анықтады, деп хабарлады облыстық прокуратура. «Қонаев қаласы мен Қарасай, Талғар аудандарында 19 көппәтерлі тұрғын үйдің бастапқы материалдары кері қайтарылды, яғни құрылыс басталғанға дейін процесс тоқтатылды. Құрылыс салушылар әкімшілік жауапкершілікке тартылды», – дейді ведомство. Құрылыс фактілері бойынша облыстың 3 ауданының және Қонаев қаласының 26 құрылыс салушысы 9 млн теңгеден астам айыппұл төледі.