Барселона қаласында өтіп жатқан MWC 2026 халықаралық көрмесінде HONOR компаниясы жасанды интеллектіні енгізудің жаңа кезеңін ұсынып, ALPHA PLAN стратегиясын жүзеге асыруды жеделдеткенін мәлімдеді. Бренд экожүйесі үш негізгі бағытқа негізделген: Alpha Phone, Alpha Storeжәне Alpha Lab.
AI саласындағы адамға бағытталған тәсілді дамытуды жалғастыра отырып, HONOR жасанды интеллекті, физикалық қозғалысты және кеңістіктік қабылдауды біріктіретін жаңа форматтағы смартфон Robot Phone концепциясын көрсетті. Бұл embodied AI бағытындағы эксперимент, ол болашақта адам мен мобильді құрылғы арасындағы өзара әрекет қандай болуы мүмкін екенін айқындайды.
Сонымен қатар компания кремний-көміртекті батареясы, жетілдірілген дисплейі және өнімді жұмысқа арналған AI-функциялары бар жиналмалы флагман Magic V6 моделін таныстырды. MagicPad 4планшеті мен MagicBook Pro 14 ноутбугімен бірге бұл жаңалықтар нақты қолдану сценарийлеріне бағытталған кеңейтілген HONOR AI-экожүйесін қалыптастырады.
ALPHA PLAN стратегиясы
HONOR компаниясының бас директоры Джеймс Ли:
«Адамға бағытталғандық біздің стратегиялық бағдарымыз. Біз жасанды интеллектіні рационалды интеллект (IQ) пен эмоциялық интеллектіні (EQ) біріктіру арқылы дамытамыз. Alpha PhoneAI-құрылғылардың жаңа парадигмасын зерттейді, Alpha Store AI-экожүйесінің моделін қалыптастырады, ал Alpha Lab болашақтың кремний-көміртекті технологияларына жол ашады»
HONOR Robot Phone: смартфонның жаңа түрі
Robot Phone — бұл жасанды интеллект экран мен дауыс пәрмендерінің шегінен шығатын жаңа буын смартфонының концепті. Құрылғы интеллектуалды алгоритмдерді қозғалыс механикасымен және камераға арналған арнайы подвес арқылы кеңейтілген түсіру мүмкіндіктерімен біріктіреді.
Осы шешімдерді іске асыру үшін HONOR аса ықшам микромотор жасап, смартфон корпусына 4DoF гимбал-жүйесін интеграциялады. Конструкция үш осьті тұрақтандыруды қолдап, қозғалыс кезінде де бейненің тегіс жазылуын қамтамасыз етеді.
Смартфон мультимодальды қабылдау жүйесімен жабдықталған: ол дыбыстарды таниды, қозғалысты бақылайды және визуалды ақпаратты талдайды. Бұл пайдаланушымен өзара әрекеттесуді анағұрлым табиғи әрі интуитивті етеді.
Негізгі мүмкіндіктері:
- Әр түрлі бұрыштан пайдаланушыны автоматты түрде бақылайтын AI-бейнеқоңыраулар;
- «дене тілін» — бас изеу, бас бұру және басқа да қимылдарды тану;
- музыка ырғағына сай қозғалыстарды синхрондау.
Super Steady Video режимі бейненің тұрақтылығын арттырады, AI Object Tracking нысандарды нақты уақыт режимінде қадағалайды, ал AI SpinShot 90° және 180° интеллектуалды бұрылуды қолдап, кинематографиялық өтулер жасауға мүмкіндік береді
Тұрақтандырылған камерамен үйлескен 200 мегапиксельді сенсор мобильді түсірілімді кәсіби видеосторителлинг деңгейіне жақындатады.
Magic V6: жиналмалы смартфондардың жаңа стандарты
Magic V6 HONOR-дың жиналмалы құрылғылар желісін дамыта отырып, жұқа корпус, берік құрылым және энергия тиімділігін бір арнаға тоғыстырды.
Смартфонның жиналған күйдегі қалыңдығы 8,75 мм. Құрылғы күшейтілген шарнир архитектурасымен және су мен шаңнан қорғайтын IP68/IP69 стандартымен жабдықталған.
Бесінші буын кремний-көміртекті батарея ATL компаниясымен бірлесіп әзірленген. Кремний мөлшері 25%-ға жетіп, ықшамдылықты сақтай отырып энергия тығыздығын арттыруға мүмкіндік берді. Аккумулятор сыйымдылығы 6 660 мА·сағ.
Сондай-ақ кремний мөлшері 32% және энергия тығыздығы 900 Вт·сағ/л-ден асатын HONOR Silicon—Carbon Blade Battery технологиясы көрсетілді. Бұл шешім жиналмалы смартфондарды 6 600 мА·сағ батареяларға көшіруге бағытталған.
Magic V6 екі LTPO 2.0 дисплейімен жабдықталған: 6,52 дюймдік сыртқы экран және 7,95 дюймдік ішкі экран.
Екеуі де 1–120 Гц аралығындағы бейімделетін жаңарту жиілігін және тиісінше 6 000 және 5 000 нитке дейінгі ең жоғары жарықтықты қолдайды.
Бүктелу тереңдігі алдыңғы буынмен салыстырғанда 44%-ға азайған, шағылысу деңгейі 1,5%-ға дейін төмендеген. Көзге түсетін жүктемені азайту үшін 4 320 Гц PWM технологиясы мен AI Defocus Displayфункциясы қолданылады.
Смартфон Snapdragon 8 Elite Gen 5 платформасындағы алғашқы жиналмалы құрылғы атанды. Буландырғыш камерасы бар салқындату жүйесі ауыр жүктемелер мен ойындарда тұрақты өнімділікті қамтамасыз етеді. Сонымен қатар iOS негізіндегі құрылғыларды қоса алғанда, кросс-экожүйелік өзара әрекеттесу қолдауы бар.
MagicPad 4 және MagicBook Pro 14: AI-экожүйенің кеңеюі
MagicPad 4 Snapdragon 8 Gen 5 платформасында жұмыс істейді және қалыңдығы небәрі 4,8 мм ультражұқа корпусқа ие. Планшет 165 Гц жиілігі бар 12,3 дюймдік 3K OLED-дисплеймен және көптапсырмалы жұмысқа арналған AI-құралдармен жабдықталған. Apple экожүйесімен интеграцияны қоса алғанда, кросс-құрылғылық байланыс іске асырылған. Linux Lab жобасы аясында OpenClaw AI-ассистентін іске қосу мүмкіндігі қарастырылған.
MagicBook Pro 14 Intel Core Ultra Series 3 процессорларымен, жоғары түстік дәлдігі бар 14,6 дюймдік OLED-дисплеймен, интеллектуалды өнімділік басқару жүйесімен және сыйымды батареямен жабдықталған. Құрылғы мобильділікті сақтай отырып, ұзақ автономды жұмыс пен шығармашылық міндеттерге бағытталған.
HONOR гуманоидты роботы
Компания тұтынушылық робототехника саласындағы стратегиялық кеңеюін көрсете отырып, өзінің алғашқы гуманоидты роботын таныстырды. Қолдану сценарийлеріне сатып алуға көмектесу, жұмыс кеңістіктерін тексеру және пайдаланушыларды сүйемелдеу кіреді.
HONOR смартфондар мен AI-құрылғыларды әзірлеудегі тәжірибесін пайдаланушыларды тани алатын және олардың қажеттіліктеріне бейімделетін дербестендірілген роботтандырылған шешімдер жасауға қолдануды жоспарлап отыр.