17 қараша Медеу мұз айдынында Халықаралық студенттер күніне арналған ICE Party өтті. Алматы қаласы Жастар саясаты басқармасының қолдауымен ұйымдастырылған бұл іс-шара «Almaty Student’s Week» апталығы аясында өтіп, қаладағы 1000-нан астам жоғары оқу орнының студенттерін біріктірді.

Мерекелік кеште студенттер үшін мұз үстінде қызықты конкурстар, интерактивті ойындар және флешмоб ұйымдастырылды. Шара барысында жас өнерпаздар өнер көрсетіп, көрермендерге ерекше көңіл-күй сыйлады. Сонымен қатар, ұйымдастырушылар студенттерге тегін ыстық шәй мен тіскебасарлар таратты.

“Студенттік өмір – бұл батыл шешімдер мен жаңа мүмкіндіктер кезеңі. Мұндай іс-шаралар студенттердің бірлігін нығайтып, ортаны кенейтуге көмектеседі. Алматы жастарының қала өміріне белсенді атсалысып жатқаны қуантады, біз оларды әрдайым қолдауға дайынбыз. Барша Алматы қаласы студенттерін мерекелерімен шын жүректен құттықтаймын”, – деді Алматы қаласы Жастар саясаты басқармасының басшысы Азиз Кажденбек.

Айта кетейік, «Almaty Student’s Week» апталығы аясында қаламызда 30 түрлі форматтағы іс-шаралар өтті.