Бүгін Алматы қаласының тарихи орталығында RAMS Sayahat тұрғын үй кешенінің техникалық ашылуы өтті. Соңғы жылдары жүзеге асырылған ең ауқымды тұрғын үй жобаларының бірі саналатын кешеннің алғашқы кезегінің тұрғындары үшін мерекелік шара ұйымдастырылды. Қонақтарға арналған бағдарлама ойын-сауық белсенділіктерін, дәмді тағамдарды, балалар анимациясын, музыкалық қойылымдарды, бағалы сыйлықтар ұтысын және болашақ тұрғындарға пәтер кілттерін салтанатты түрде табыстау рәсімін қамтыды.
RAMS Sayahat тұрғын үй кешені Алматының ең танымал әрі тұрғындары жақсы білетін аудандарының бірі – Саяхат аумағында орналасқан. Жаңа жоба тарихи қалалық ортаға үйлесімді кірігіп, заманауи сәулеттік шешімдерді, жайлы өмір сүруге арналған кеңістікті және ауданның мәдени мұрасына деген құрметті ұштастырды.
Ашылу салтанатында сөз сөйлеген RAMS Almaty компаниясының вице-президенті Доган Булбул компанияның тек сапалы тұрғын үй салумен ғана шектелмей, қалалық ортаны дамытуға да ерекше мән беретінін атап өтті.
«Жылдың алғашқы жартысында біз пайдалануға берілген үшінші жобамыз бойынша тұрғындарға кілт тапсыруды бастап отырмыз. Толық қоныстанғаннан кейін RAMS Sayahat тұрғын үй кешені шамамен 2,5–3 мың адамға жаңа үй болады. Осылайша Алматының тарихи орталығында заманауи қалалық кеңістік қалыптасады. Жуырда серуендеу аймағы мен сағат мұнарасының ресми ашылуын жариялаймыз. Бұл орындар алматылықтардың жаңа сүйікті демалыс мекеніне айналады деп сенемін. Барлық тұрғындарға жаңа үйлерінде әрдайым береке, бақыт, жайлылық пен жылы отбасылық сәттер көп болуын тілеймін», – деді ол.
Жоба аясында тұрғындарға қолайлы орта қалыптастырумен қатар қоғамдық кеңістіктерді абаттандыруға ерекше көңіл бөлінген. RAMS Sayahat тұжырымдамасы кешен тұрғындарына ғана емес, барлық алматылықтарға қолжетімді жайлы орта құруды көздейді. Жақын арада мұнда заманауи ландшафтық дизайнмен жабдықталған серуендеу саябағы, демалыс орындары мен жаяу жүргіншілерге арналған бағыттар ашылады. Жаңа қоғамдық кеңістік тұрғындар мен қала қонақтарының бос уақытын тиімді өткізуіне мүмкіндік береді.
Жобаның басты ерекшеліктерінің бірі – тарихи сағат мұнарасының қайта жаңғыртылуы. Бұл нысан бірнеше буын алматылықтар үшін ерекше маңызға ие. Сағат мұнарасының тарихы 1967 жылдан бастау алады. Дәл сол жылы Алматыда алғашқы стационарлық «Саяхат» автовокзалы пайдалануға беріліп, оның жанында әйгілі сағат мұнарасы бой көтерді. Кейіннен ол тұрғындар мен қала қонақтары үшін маңызды бағдар ғана емес, ауданның басты символдарының біріне айналды.
Көптеген алматылықтар үшін бұл мұнара ерекше естеліктермен байланысты. Мұнда адамдар кездесулер белгілеп, жақындарын жолға шығарып салып, туған-туыстарын қарсы алатын. RAMS Sayahat жобасының арқасында тарихи нысан жаңартылып, қайтадан қаланың қоғамдық өмірінің ажырамас бөлігіне айналмақ. Осылайша ол өзінің мәдени әрі рухани маңызын сақтап қалады.
Сарапшылардың пікірінше, қазіргі заманғы девелоперлік жобалар тұрғын үйлер салумен ғана шектелмей, қоғамдық кеңістіктерді дамытуға, инфрақұрылымды жетілдіруге және тарихи келбетті сақтауға басымдық беріп келеді. RAMS Sayahat осы қағидаттарды ұстанатын жобалардың бірі болып саналады. Ол тұрғын үй, қоғамдық және мәдени функцияларды біртұтас сәулеттік кеңістікте біріктіреді.
RAMS Almaty компаниясы жүзеге асырып жатқан бұл жоба жайлылық, қауіпсіздік және өмір сапасы бойынша жоғары талаптарға жауап беретін заманауи тұрғын үй кеңістіктерін қалыптастыру стратегиясын жалғастырады. Сонымен қатар жаңа нысандарды қаланың тарихи келбетімен үйлестіріп, маңызды аудандардың бірегей ерекшеліктерін сақтауға басымдық береді.
RAMS Sayahat тұрғын үй кешенінің техникалық ашылуы болашақ тұрғындар үшін ғана емес, Алматы қаласының дамуы тұрғысынан да маңызды оқиға болды. Жоба толық аяқталғаннан кейін ол мегаполистің тарихи мұрасын сақтай отырып, заманауи өмір салтын ұсынатын жаңа тартымды орталықтардың біріне айналады деп күтілуде.