13 наурыз сағат 18.30-дағы жағдай бойынша қолайсыз ауа райына екі облыста республикалық маңызы бар төрт автожолда көлік қозғалысына шектеу енгізілді, – деп хабарлайды Massaget.kz тілшісі “ҚазАвтоЖол”-дың баспасөз қызметіне сілтеме жасап.

Ақмола облысында қар, боран мен екпіні күшті желге байланысты жалпы ұзындығы 61 шақырым болатын бір автожол жабылды:

“Екатеринбург-Алматы” – ААП Жібек жолы-Қарағанды обл. шек. (автокөліктің барлық түрі үшін).
Қарағанды облысында қар көшкіні қаупіне байланысты жалпы ұзындығы 293 шақырым болатын үш автожол жабылды:

“Екатеринбург-Алматы” – ААП Теміртау-Аксу-Аюлы ауылы;
“Қызылорда-Павлодар” – Қарағанды қ.- Молодёжный аулы;
“Екатеринбург-Алматы” – Ақмола обл. шек.-ААП Теміртау (автокөліктің барлық түрі үшін).
Республикалық маңызы бар автожолдарда 763 бірлік техника және 1 765 адам жұмылдырылды.